Nasjonale ideal - amerikanske tilstandar

I 1913 reiste Hulda Garborg til Amerika for å avduke ein byste av Ivar Aasen. På reisa skreiv ho dagbok og brev. Dette materialet gir eit nært innblikk i tankane hennar om sosial ulikskap, rasisme og undertrykking. Etter reisa engasjerte ho seg sterkt for det amerikanske urfolket. Korleis alt dette heng saman med «den norske saka» er tema for utstillinga.

I undervisningsopplegget får elevane ei levande innføring i kvifor Hulda arbeidde med norsk identitet både her i Noreg og i Amerika. Vi undersøker kva kultur og identitet er, og korleis vi kan forstå arbeidet til Hulda i hennar samtid. Med historisk empati arbeider vi med å forstå oss sjølve og vår eiga samtid gjennom ei presentasjon av Huldas private brev og dagbøker.

Besøket byrjar i heimen til Hulda og Arne Garborg, Labråten, før elevane vert tekne vidare med på reisa til Amerika i utstillinga Hulda til Amerika 1913 – reise, rase og kultur. Der får dei bryne seg på små refleksjonsoppgåver og aktivitetar som skaper relevans for deira eiga tid og liv. Vi avsluttar med ein oppsummerande samtale i salongen på museet.